– إزيك يا مدام ناهد، فاضية اتكلم معاكي خمس دقايق ؟

= الأول بس ممكن تقوليلي اسمك عشان مبحبش اتكلم مع المجهول ؟

– مش مهم الإسم، تقدري تعتبريني فاعلة خير

= طب وهو فاعل الخير يخبي إسمه ليه ؟

– عشان الفاعل دايما مرفوع

= أوكيه، فيك أكونت عليه صورة مي عمر واسمه عاشقة القلقاس بالسلق، وواحدة بتقول انها فاعلة خير، غالبا اقدر اتوقع الموضوع اللي هتتكلمي فيه

– اللي هو إيه بقى ؟

= هتقوليلي ان عماد ابنها متجوز عليا

– والله العظيم ما بشتغلك، ولا ليا أي مصلحة اني احور عليكي

= انـL مش بكدبك يا حبيبتي والله انـL بوفر عليكي المقدمات، متجوز ســ⊂ـر

– لا معرفش اسمها الحقيقة

= بت طويلة كدا وشبه غادة عبد الرازق

– أيوه صح

= ما هي اسمها ســ⊂ـر

– ايه دا هو انتي عارفة ؟

= من ٤ سنين، واخدلها منزل ايجار جديد في الطوابق، وبيخرجوا كل اربع في نادي الصيد، بس معندهمش عيال، أصلها اتطلقت من جوزها الأولاني عشان مبتخلفش

– بس اعتقد ان جوز حضرتك اتجوزها لأغراض دينية يعني، عشان يفك كرب مسلمة وكدا

= دينية مين يا حبيبتي طب يصلي الأول، دا ميعرفش الفرق بين سيف الله المسلول وسيف الله المختار، هو متجوزها طفاسة، أصله بيحب ١لنسـgا!!ن الطويلة

– الطويلة ؟

= أيوه دا مريض اسمعي مني، دا انـL قفشته بيجمع ڤيديو فيه كل المشاهد اللي هاني رمزي شغل عوالم خفية فيها دور واحدة ست

– دا مريب يا مدام، بس عـL!!!!وزo الصراحة ؟ انتي مريبة أكتر، متزعليش Oــنى

= عشان يعني عارفة كل دا وساكتة ؟

– بالظبط، انـL كنت جاية انورك لقيتك عارفة كل حاجة

= وحياتك من قبل ما يتجوزوا، من أيام ما كانوا لسه في مرحلة جمال البدايات

– طب وايه اللي سكتك

= بصي يا حبيبتي، فرضنا اني واجهته ايه اللي هيحصل ؟

– هيطلقها

= وبعد ما يطلقها، تقدري تضمنيلي انه ميلفش عـLـي واحدة غيرها ؟ أصل طول ما مبدأ الوسـ ـاخة موجود هيلاقي البِركة اللي يبلبط فيها

– خلاص يبقى تطلبي الطلاق انتي

= وبعد ما اتطلق

– تتجوزي غيره

= لا خلاص قفلت من الصنف واتجهت لتربية الكلاب

– يبقى تعيشي مع نفسك ومع كلابك

= G|ــيه بقى اخسر نطع بيصرف عليا انـL وكلابي ؟ ليه أخرج أواجه الحياة واشتغل واتعب واتمرمط لما ممكن حد تاني يعملي اللي انـL عايزاه وانا قاعدة برنسيسة

– طب G|ــيه متقوليلوش انك عارفة ؟

= عشان يفضل خايف مني، لو عرف اني عارفة قلبه هيمـ ـوت

– وانتي هتستفيدي ايه من خوفه

= لو عايز يبات عندها في أي يوم مثلا، هيعدي Oــنى ازاي ؟

– لازم يشوفله كدبة مقنعة يشتغلك بيها

= زي إيه مثلا ؟

– عـLـي حسب درجة الآي كيو بتاع جوزك

= آي كيو راس شاحن نوكيا

– يبقى هيقولك انه بايت في الشغل

= بايت في الشغل يعني أوڤر تايم، وأوڤر تايم يعني فلوس زيادة، و الفلوس دي لازم يوردهالي آخر الشهر بدل ما اشك فيه

– يا بــنــ،ــت الجامدة

= مش من حقه يسافرله كام يوم مع السنيورة في الصيف دا ؟

– هيقولك عنده مأمورية طبعا

= ومأمورية يعني مكافأة يشتريلي بيها هدية محترمة

– انـL والشيـ ـطان بنسقف

= دا غير اني طول الوقت بلعب معاه لعبتي المفضلة

– ليدو ؟

= لا، بلعب بأعصابه، احكيله عن واحدة صاحبتي جوزها اتجوز عليها، واقوله ان الدنيا مبقاش فيها أمان، والرجـ ـالة بقوا غدارين ؟

– وايه اللي بيحصل بعد كدا ؟

= بيحس ان الخطر بقى قريب منه أوي، واني هبتدي اركز معاه، فيحاول يلهيني ويتوهني، خروجات بقى وفسح ودلع مشافتهوش سعاد حسني في عز شبابها

– وايه كمان

= ارجع تاني احسسه اني واثقة فيه وانه غير كل الرجـ ـالة، ولو أي حد اتجوز عـLـي مراته هو ميعملهاش

– يعمل ايه ساعتها ؟

= يحس بالذنب ويحاول يعوضني، فيريحني عـLـي الآخر، تصدقي بالله يا أختي ؟

– لا إله إلا الله

= انـL آخر مرة نضفت شقتي كانت من ٣ سنين ونص

– للدرجادي انتي معفنة ؟

= لأ يا حبيبتي هو اللي بينضفها، وهو اللي بيغسل ويطبخ ويعمل كل حاجة

– وبيعمل كدا ليه ؟

= ما انـL مستموتة فيها وطول الوقت عاملة نفــ،،ـــسى عيانة، فهو بيقدم السبت، عشان يوم ما اعرف انه متجوز عليا، يطلع مجاملني

– بس مش دا يبقى استغلال ؟

= هو لما واحد يتجوز واحدة وياخد زهرة شبابها وبعدين يرميها في البيت تربي العيال ويروح يدلع نفسه مع واحدة تانية يبقى شايفها ايه ؟

– جارية

= بالظبط، وانا كمان شايفاه زبون، فين |لـoــشكـ|ـة بقى

– مفيش أي مشكلة، بس انـL عندي ليكي مفاجأة يا حبيبتي

= هحرقهالك، انت عماد جوزي، وكنت بدأت تــ..ــشــ..ـك اني هارشاك وجاي تتأكد

– واتأكدت خلاص، سؤال بقى، هو الطلاق ينفع تكست وللا ابعتلك ڤويس نوت ؟

= يا اختشي كدا ينفع وكدا ينفع، بس ابقى شوفلك حتة تبات فيها عشان ســ⊂ـر صاحبتي وأنتيمتي مضتك عـLـي كل ما تملك، وقسمنا مع بعض، بوسلي نفسك يا عمدة 😘

منقول عن #دافنشى