انا دكتورة صيدلانية عايشة في منزل مع بنتي لوحدنا..بعد سفر زوجي للخارج ..ملك بنتي عمرها 6 سنين

هي أجمل حاجة في حياتي هي أصلا كل حياتي

بنزل الشغل كل يوم الصبح واخدها معايا الحضانه

ولما ارجع أعدي عليها واخدها ونروح

عندي الصيدلية بتاعتي تحت البيت بنزل أقعد فيها من بعد العصر لغاية الساعه 11 بالليل

 

أحيانا باخد ملك تقعد معايا تحت وساعات بسيبها

عند الجيران ..راجل و ست طيبين

كبار في السن ربنا ما رزقهمش بأطفال

والست أميمة جارتي بتفرح أوي لما أسيب ملك

عندهم ..وساعات لما اطلع بالليل

والاقيها نامت عندهم ..جارتي تقولي خليها نايمه

بلاش نصحيها ..وانا اقولها معلش عشان الحضانه الصبح

 

وكمان لو قلقت بالليل ومكنتش جنبها ممكن تتخض

الحقيقة كانوا ناس ودودين جدا جدا

هما جيرانا من وقت ما سكنا في العمارة من 4 سنين

ناس طيبين جدا وعمري ما شوفت منهم الا كل خير

والحقيقة شايلين عني هم اني أسيب ملك لوحدها في الشقه

لانها ساعات بترفض تنزل معايا الصيدلية…..

للمتابعة اضغط على الصفحة التالية »

جوزي بيتصل بيا كل يوم يطمن عليا وعلى ملوكه

بقوله اننا بخير الحمدلله

طب وشغلك والصيدلية

كله بخير متقلقش

المهم انت عامل ايه في شغلك

الحمدلله كله تمام مش ناقصني غير وجودكم جنبي

 

معلش هانت كلها كام شهر وتنزل اجازة ونتجمع من تاني

دا انا بعدهم باليوم والساعه

ربنا يحفظك وترجع لنا بألف سلامه

الامور كانت ماشية بشكل طبيعي ..من البيت للشغل

للحضانه للبيت والصيدلية

انا وملك وجارتي أميمة وجوزها الأستاذ حسن

 

دول محور حياتي واهتماتي الفترة الحالية

أهلي عايشين بعيد بطمن عليهم وبيطمنوا عليا من وقت للتاني

في يوم صحيت على خبر ضايقني

جيرانا مسافرين يصيفوا وهيغيبوا

أسبوعين تلاته ..انا مبسوطه انهم هيغيروا جو

لانهم تقريبا مش بشوفهم بيخرجوا الا للضروره

 

وانا بصراحه مبحبش ادخل في خصوصيات حد

بس هما كانوا بياخدوا بالهم من ملك

وانا بكون مطمنه وهي عندهم ..وانا في الصيدليه

او لو عندي مشوار مينفعش اخدها معايا فيه

بعد اسبوعين رجعوا تاني ..وكانوا مشتاقين لملك جدا

وهي كمان كانت مفتقداهم ..بيعاملوها زي ماتكون بنتهم

للمتابعة اضغط على الصفحة التالية

Lلدرجة اني ساعات كنت بغير على ملك منهم

بعد يومين من رجوعهم ..روحت اخدت ملك

من مدام اميمه بعد ما خلصت شغل وطلعت فوق

بعد ما دخلنا شقتنا وكنت بنيم ملك

لقيتها ماسكه دبدوب صغير

قولتها طنط أميمه أدتهولك يا روحي

 

لأ يا مامي دا ميدو هو اللي أدهوني

ميدو !! ميدو مين !

أبن طنط أميمه وعمو حسن ؟

أزاي يعني هما معندهمش ولاد أصلا

لا عندهم رجعوا بيه من المصيف

انتي متأكدة ؟

ايوه ..ليه هو ميدو مش كويس ؟

 

مش عايزه العب معاه تاني !

ها..لا يا حبيبتي مفيش حاجه ..يلا عشان تنامي

بكره عندنا حضانه

طب فين قبلة كل يوم

اهو احلى بوسه لأحلى ملوكه في الدنيا

طفيت النور وقفلت الباب ودخلت أوضتي

وفضلت افكر في كلام ملك

للمتابعة اضغط على الصفحة التالية

مين ميدو دا ؟..هما مش عندهم ولاد اصلا

يمكن تكون ملك بتتخيل وخلقت في خيالها

صديق من الخيال زي معظم الأطفال في سنها

ممكن ..بس لأ اومال جابت الدبدوب دا منين

مش عارفه ..بس لازم اعرف

تاني يوم وانا بنيم ملك لقيتها زعلانه

مالك يا روحي ؟

 

ميدو زعل ماء الرجل وعايز الدبدوب بتاعه

ميدو تاني !! طب ايه زعله

اصل هو قالي اوعي تقولي لمامتك عني

ماما اميمه مخبياني وقالت لي اوعى تخرج من اوضتك

بس انا خرجت من وراها ولعبت معاكي

يعني هما مخبيين ميدو ومش عاوزين حد يعرف انه عندهم

 

ايوه ..وهو قالي خلي الدبدوب معاكي ..بس متقوليش لحد عني .

طب وهو عرف منين انك قولتليلي

معرفش ..هو عرف لوحده ؟

غريبة دي ..وليه اصلا جيراني عندهم طفل مخبينه

ممكن يكونوا خطفوه مثلا وهما في المصيف

لأ لأ ..يخطفوا ايه دول طبيين ..طيب مش يمكن اتبنوه مثلا

 

حتى لو اتبنوه هيخبوه ليه عن الناس

مامي..مالك ساكته ليه !!

مفيش يا روحي يلا تصبحي على خير

الموضوع فعلا مريب وانا لازم اعرف الحقيقه

الليلة اللي بعدها ..رنيت الجرس

ومدام اميمة فتحت لي وقالت أن ملك نايمه

ثواني هدخل واجيبها

للمتابعة اضغط على الصفحة التالية

 

 

 

 

فكرت بسرعه وقولت لها

لا خليكي انتي مرتاحه ..انا هدخلها بنفسي

اتفاجأت من طلبي وبعد تردد لقيتها قالت

اه اه طبعا اتفضلي بيتك ومطرحك

دخلت على ملك لقيتها صاحيه وبتلعب

انتي صاحيه يا ملوكه ..

 

كدا يا مامي خضتيه وخلتيه يستخبى

هو مين ؟

ميدو ؟

استخبى فين

أهو ورا الستارة

بصيت للستارة لقيت رجلين طفل صغير

واقفه وراها وباينه من تحت

 

لسه هروح ناحية الستارة واشدها

لقيت أميمه واقفه ورايا وبتقولي .

في حاجه يا دكتورة إيمان

اتخضيت وانا بقولها

لا مفيش ..خدت ملك وقولتلها

تصبحي على خير

رجعت الشقة وانا حاسه انه في حاجة غلط بتحصل

للمتابعة اضغط على الصفحة التالية

الطفل دا أكيد سايب اهله ..انا مش لازم أسكت

مش هودي بنتي من تاني عندهم

وهحاول اشوف طريقة اتاكد انهم خاطفينه فعلا

ولسه موجود قبل ما يهربوه

نيمت ملك في حضني الليلة دي وخفت اسيبها لوحدها

بس قبل الفجر بساعه كدا قلقت وملقتش ملك جنبي

ملك ..ملك روحتي فين !!

جريت على أوضتها ..لقيتها قاعده بتلعب

مع الدبدوب؟

انتي ايه صحاكي دلوقت

ميدو يا مامي شدني من إيدي وقالي تعالي

نلعب في اوضتك عشان متقلقش مامتك

ميدو ؟؟ وهو راح فين

استخبى هناك جوه الدولاب

فتحت الدولاب بسرعه ولقيته مستخبي

قلبي أتقبض لما شوفته ..قفلت الدولاب بسرعه

وفضلت اتنفس بصعوبه وبعدها فتحته تاني

انت دخلت هنا از…!!

اتفاجأت ..ولساني اتعقد لما لقيته أختفى

فضلت أدور وسط الهدوم ..ولكنه زي ما يكون فص ملح وداب

اخدت ملك في حضني وجريت على اوضتنا……. يتبع

للمتابعة اضغط على الصفحة التالية

وقفلت الباب من جوه ..وقولتلها اوعي تبعدي عني

مهما حصل ..انتي فاهمه ؟

حاضر حاضر يا ماما

تاني يوم كنت فكرت في خطه وقررت أنفذها ..

اخدت ملك عندهم وسبتها وطلعت بالليل عشان اخدها

وقعدت عندهم شوية

قولتلها عايزه اقعد معاكي من زمان انتي وحشاني أوي

أستغربت من كلامي ..لاننا كل يوم بنشوف بعض

قعدنا شوية وقامت تجيب عصير من المطبخ

وبسرعه سرقت مفاتيح شقتهم اللي كانت متعلقه

ورا الباب ..وخبيتها في شنطتي

وبعد ما قعدت شوية معاها واخدت ملك ورجعت

نيمتها وبعد 2 صباحا ..اتسحبت بهدوء من شقتي

وخرجت منها وقفلت الباب بهدوء

وروحت على شقتهم وفتحتها بالمفتاح اللي اخدته من وراهم

 

قصهقصة دكتورة صيدلانية كاملة

 

 

 



 

star ads

 

 

00:14 / 00:33

 

Copy video url

 

Play / Pause

 

Mute / Unmute

 

Report a problem

 

Language

 

Share

 

Vidverto Player

 

وقفلت الباب من جوه ..وقولتلها اوعي تبعدي عني

مهما حصل ..انتي فاهمه ؟

حاضر حاضر يا ماما

تاني يوم كنت فكرت في خطه وقررت أنفذها ..

اخدت ملك عندهم وسبتها وطلعت بالليل عشان اخدها

وقعدت عندهم شوية

قولتلها عايزه اقعد معاكي من زمان انتي وحشاني أوي

 

أستغربت من كلامي ..لاننا كل يوم بنشوف بعض

قعدنا شوية وقامت تجيب عصير من المطبخ

وبسرعه سرقت مفاتيح شقتهم اللي كانت متعلقه

ورا الباب ..وخبيتها في شنطتي

وبعد ما قعدت شوية معاها واخدت ملك ورجعت

نيمتها وبعد 2 صباحا ..اتسحبت بهدوء من شقتي

وخرجت منها وقفلت الباب بهدوء

وروحت على شقتهم وفتحتها بالمفتاح اللي معاه

كنت مرعوبه من اللي بعمله ..بس لازم أنقذ الطفل

دا من بين ايديهم ..خايفه يعملوا فيه حاجه

فتحت الباب بهدوء وحذر ولقيت الولد نايم

اخدته في حضني وجريت بيه بسرعه

وانا خارجه اتخبطت في كرسي من توتري

وقع وعمل صوت جامد

سمعت صوت جوزها بيقول مين!!

 

مين بره ؟

جريت بسرعه

بسرعه وانا شايله الولد اللي صحي وفضل يعيط

حاولت اكتم بكاؤه عشان ميسمعوناش

ولما دخلت ولسه بقفل الباب

عينه جات في عيني

شافني خلاص!! …دخلت بسرعه

وخبيت الولد وقولتله متخافش يا حبيبي انا معاك

صوت خبط على الباب

أفتحي الباب .. انا شوفتك خلاص

أفتحي الباب بقولك

لا مش هفتح ..لازم اعرف الولد دا بيعمل ايه عندك

بقولك أفتحي الباب والا هكسره على دماغك

لا مش هفتح ..مش هفتح

بعدها بربع ساعه ..سمعت صوت حد بيقول

أفتحي الباب يا مدام ..احنا الشرطه ؟

الشرطه ..بس انا متصلتش بيهم

يمكن حد من الجيران بلغ عنهم

بصيت من العين السحرية

واكتشفت فعلا انهم الشرطه

فتحت بسرعه ..ولما دخلوا

جاري حسن دخل معاهم وهو بيقول

للمتابعة اضغط على الصفحة التالية

 

الولد فين ..خبيتي الولد فين ؟

اقبض عليه يا حضرة الضابط ..خاطف طفل صغير من أهله

هو فين الطفل

انا خبيته جوه ..اتفضل حضرتك

دخلت وفتحت الباب ..والظابط اتصدم

لما لقى جوه عندي ولدين وبنت أعمارهم

 

لا تتجاوز السبع سنين

مين دول ؟.

الراجل جري على ميدو وحضنه وقال دا ابني حضرتك

الي خطفته من شقتنا …لما كانت عندنا

من كام ساعه وسرقت المفتاح من ورانا

مين الأطفال دول يا مدام ؟

دول ..انا انا معرفش !!

بنتي انا لازم أطمن على بنتي

جريت على الأوضة ..ولقيت ملك أختفت

 

ملك..روحتي فين يا ملك

ملك ردي عليا يا قلب مامي

قربت عليا مدام أميمة وحضنتني

وقالت أهدي يا إيمان عشان خاطري

بنتي فين ..وديتوا بنتي فين ؟؟

الظابط وقف محتار وهو بيقول هو في ايه بالظبط.

أميمة قالت ..اني بعاني من حالة نفسية

 

بسبب أختفاء ملك بنتها من سنتين

بعد ما اتخطفت ومعرفتش توصلها

ساعتها أفتكرت كل حاجه ..وأغمي عليا من الصدمه

ولما فوقت لقيتني في للمستشفى وجوزي كان رجع من السفر

وحضني وقالي ..اطمني انا جنبك

الدكتور قالهم أن حالتك النفسية هي اللي وصلتك

لخطف ميدو ابن الاستاذ حسن