لنهاردة صحيت من النوم علي صوت ناس معرفهمش
_ ايه ده انا فين
_ انتي انكتبلك عمر جديد
_ ازاي
_ في ناس ولاد حلال جابوكي هنا من حادثه فظيعه كنتي ميته إكلينكيا وربنا كتبلك عمر جديد..
_ طيب انا مين وهنا من امتي..
_ حضرتك في غيبوبه من سنتين ومحدش لحد دلوقتي اتعرف عليكي
_ سنتين انا هنا من سنتين ازاي انا مين وفين اهلي
_ معندناش اي معلومه خالص حضرتك الي تقدري توصلي للمعلومات دي
_ انا مش فاكرة اي حاجه
_ الذاكرة ممكن ترجعلك في اي وقت…بعد إذنك دلوقتي وارتاحي شويه..
ايه ده انا مين وانا هنا ليه انا حتي مش فاكرة اسمي طيب عندي كام سنه ياتري متجوزه ولا لا طيب عندي اولاد والحادثه دي اولادي كانو فين وحصلهم ايه فجأه الباب يخبط…
_ حضرتك انا سالي ممرضه هنا وكنت بتابع حالتك انا مبسوطه اوي اني شفتك وانتي فايقه…
_ سالي انا مين ومين جابني هنا
_ الحقيقه معنديش اي فكرة انتي جيتي هنا من سنتين وكنتي شبه مي0ته
_ حد كان معايا فالحادثه
_ معنديش فكرة برضو
_ طيب انا هخرج من هنا امتي
_ لما يطمنو عليكي وانك بقيتي كويسه تقدري تخرجي..
دخل الدكتور…
_ ها تحبي تاكلي ايه انتي بقالك سنتين عايشه عالمحاليل..
_ لا انا كل ال عوزاه انا عايزه اعرف انا مين..
_ حضرتك تقدري تخرجي من هنا وممكن تعرفي بنفسك..
دوري علي اهلك واكيد هتلاقيهم..
_ مانا لو عندي اهل اكيد مش هيسبوني كل ده من غير ما يلاقوني..
_ جايز بيدورو عليكي ومش لاقينك
_ طيب حضرتك تعرف الحادثه دي كانت فين بظبط
_ ايوة كانت علي الدائري عالطريق السريع حضرتك خبطي في عربيه كنتي ماشيه بسرعه جنونيه ادت ل حادث كبير ناس كتير م١تو فيه…