يا جماعه انا ساكنه في عمارة في الدور الرابع ،في حالي مليش دعوة بحد ولا بختلطت بحد ،جوزي دكتور وبحكم شغله بيغير هدومه كتير عشان بقع الد،م وغيره وانا طبعا لازم اغسل كل ده ،وفي يوم غسلت هدوم ونشرتها ولما نشفوا خليت بنتي الكبيره تلم الغسيل ،وبعد كام يوم جوزي قالي فين البنطلون اللي كنت لسه شاريه وغسلتيه عشان اوديه للمكوجي قعدت ادور عليه ملاقتهوش وان افتكر انا حطيته فين مش فاكره قعد يتعارك معايا ويقولي انتي مهمله وكلام من اللي بالكم بيه ده لدرجه ان الجيران سمعت وانا سكت وفعلا والله مش فاكره البنطلون راح فين ،المهم العيال خلصوا امتحانات قومت مسكه الشقه كلها غسيل سجاجيد وتنفيض واللذي منه ،وبليل وانا بنشر السجاد في البلكونه لاقيت حاجه بتسحب السجاد اتفجعت وبصيت لاقيت

وقولت بسم الله الرحمن الرحيم مين اللي بيشد السجاده ده لاقيت شاب في البلكونه اللي تحتي بيقولي انا قولتله انت

بتعمل ليه كده مردش عليه ،قومت نازله ليهم لاقيت مامته فتحتلي بقولها ايه اللي ابنك عامله ده قالتلي عمل ايه انه

بيشد السجاد قولتلها اه قالتلي انا اللي قولتله يعمل كده قولتلها ليه قالتلي عشان انا من كام شهر كلمتك بخصوص الملايات اللي بتنشريها وبتداري عليه وانا واقفه في البلكونه

وانتي ولا حياه لمن تنادي فسحبت السجاده ذي ما سحب الملايه والبنطلون اللي قبل كده ،زعقت قولتلها انتي اللي

اخدتي بنطلون جوزي وقعد شهور يبهدلني عليه حرام عليكي يا شيخه لاقيت جوزي على زعيقي نزل وقعد يزعقلي يقولي

اطلعي عيب الفضايح دي ،طلعت وانا زعلانه من اللي ست عملته وهو عمله فجيت ازعق معاه قام شاتمني وضربني وقالي لو مسكتيش حطلقك قولولي اعمل ايه